سورج اور اس کی روشنی کی قسم	۱
اور چاند کی جب اس کے پیچھے آئے	۲
اور دن کی جب اسے چمکائے	۳
اور رات کی جب اسے چھپائے	۴
اور آسمان اور اس کے بنانے والے کی قسم	۵
اور زمین اور اس کے پھیلانے والے کی قسم	۶
اور جان کی اور اس کی جس نے اسے ٹھیک بنایا	۷
پھر اس کی بدکاری اور اس کی پرہیزگاری دل میں ڈالی	۸
بیشک مراد کو پہنچایا جس نے اسے ستھرا کیا	۹
اور نامراد ہوا جس نے اسے معصیت میں چھپایا	۱۰
ثمود نے اپنی سرکشی سے جھٹلایا	۱۱
جبکہ اس کا سب سے بدبخت اٹھ کھڑا ہوا	۱۲
تو ان سے اللہ کے رسول نے فرمایا اللہ کے ناقہ اور اس کی پینے کی باری سے بچو	۱۳
تو انہوں نے اسے جھٹلایا پھر ناقہ کی کوچیں کاٹ دیں تو ان پر ان کے رب نے ان کے گناہ کے سبب تباہی ڈال کر وہ بستی برابر کردی	۱۴
اور اس کے پیچھا کرنے والے کا اسے خوف نہیں	۱۵